आमदार विठ्ठलराव लंघे पाटील यांच्या संकल्पनेतून महिला सक्षमीकरणाचा ‘नेवासा पॅटर्न’
. नेवासा दर्शन:-नेवासा तालुका प्रतिनिधी श्री नाथाभाऊ शिंदे पाटील ९८२२५०३३४२
नेवासा तालुक्यातील बेलपिंपळगाव येथे लोकप्रिय आमदार श्री. विठ्ठलराव लंघे पाटील यांच्या दूरदृष्टीपूर्ण संकल्पनेतून आयोजित भव्य महिला मेळावा मोठ्या दिमाखात पार पडला. ‘लाडक्या बहिणींच्या’ अडीअडचणी सोडवून त्यांना शासकीय योजनांच्या मुख्य प्रवाहात आणण्यासाठी आयोजित या मेळाव्याला महिलांचा उत्स्फूर्त प्रतिसाद लाभला.
या मेळाव्याला प्रमुख मार्गदर्शक म्हणून सौ. रत्नमालाताई विठ्ठलराव लंघे पाटील उपस्थित होत्या. महिलांशी थेट संवाद साधताना त्या म्हणाल्या, “महिलांचे सशक्तीकरण हेच समाजाच्या खऱ्या प्रगतीचे सामर्थ्य आहे. प्रत्येक भगिनीने स्वतःच्या पायावर उभे राहावे आणि शासनाच्या लोककल्याणकारी योजनांचा लाभ घ्यावा, हाच या मेळाव्याचा मुख्य उद्देश आहे.
मेळाव्याचे वैशिष्ट्य म्हणजे विविध शासकीय विभागांच्या अधिकाऱ्यांनी उपस्थित राहून महिलांना सविस्तर माहिती दिली. यामध्ये:पंचायत समिती: श्री. राठोड, श्री. कासार आणि श्री. सोनवणे यांनी ग्रामीण विकास योजनांची माहिती दिली.तहसील विभाग: श्री. चिंतामणी व श्री. निंबाळकर यांनी संजय गांधी निराधार योजना आणि श्रावण बाळ योजनेचे महत्त्व पटवून दिले.कामगार विभाग: श्री. अमोल दिघे यांनी कामगारांसाठी असलेल्या विविध कल्याणकारी योजनांचा आढावा घेतला.
सरपंच श्री. किशोर गारूळे यांनी ग्रामस्थांना या संधीचा जास्तीत जास्त लाभ घेण्याचे आवाहन केले. कार्यक्रमाचे नेटके नियोजन श्री. गणेश चौघुले व सौ. सुषमा साठे यांनी केले. आमदार लंघे पाटील यांच्या नेतृत्वाखाली नेवासा तालुक्यात विकासाची गती अधिक वेगवान होत असल्याचा विश्वास मान्यवरांनी व्यक्त केला.
.
