नेवासा – संत ज्ञानेश्वर महाराज मंदिर परिसरात सुरू असलेल्या सेवा-स्वच्छता उपक्रमात श्री ज्ञानोदय इंग्लिश स्कूल व सुंदरबाई विद्यालय येथील एनसीसी विद्यार्थ्यांनी आज उत्स्फूर्त सहभाग नोंदविला. गुरुवर्य देविदास बाबा म्हस्के यांच्या संकल्पनेतून राबविण्यात येणाऱ्या या उपक्रमाद्वारे मंदिर परिसर स्वच्छतेसह सामाजिक बांधिलकीची जाणीव विद्यार्थ्यांना दिली जात आहे.
या प्रसंगी मुख्याध्यापक रावसाहेब चौधरी यांनी “दर महिन्यातून एकदा आम्ही मंदिर सेवेत योगदान देऊ,” असे आश्वासन देत विद्यार्थ्यांच्या सेवाभावाचे कौतुक केले. मंदिर समितीचे अध्यक्ष मा. पांडुरंगजी अभंग साहेब यांनी “गुरुवर्य देविदास बाबा यांनी सुरू केलेल्या या उपक्रमात परिसरातील सर्व शाळांनीही सहभागी व्हावे व आपली सेवा द्यावी,” असे आवाहन केले.
कार्यक्रमास मंदिर विश्वस्त राम मामा जगताप, कृष्णा अण्णा पिसोटे, तसेच शाळेचे शिक्षक अमोल दहातोंडे सर, काकासाहेब काळे सर, दिघे मॅडम व गडाख मॅडम उपस्थित होते.
