नेवासा नगरपंचायतीचे नवनिर्वाचित नगराध्यक्ष डॉ. करण सिंह घुले यांचा शब्दगंध साहित्यिक परिषदेमार्फत सन्मान करण्यात आला. शब्दगंध साहित्यिक परिषदेच्या नेवासा शाखेचे अध्यक्ष प्रा. डॉ. किशोर धनवटे, राज्य सचिव सुनील गोसावी आणि माजी कुलगुरू डॉ. अशोकराव ढगे यांच्या उपस्थितीत ‘शब्दगंध स्मृती’सह कॅलेंडर पुस्तक भेट देऊन हा सन्मान करण्यात आला.
यावेळी बोलताना डॉ. करण सिंह घुले यांनी साहित्य, वाचन संस्कृती आणि वैचारिक समृद्धी यासाठी शब्दगंध साहित्यिक परिषद राबवत असलेल्या वाचन चळवळीला आपले सहकार्य राहील, असे नमूद केले. समाजात वाचनाची गोडी निर्माण होणे ही काळाची गरज असून अशा चळवळीमुळे नव्या पिढीत साहित्यिक जाणिवा विकसित होतील, असे त्यांनी सांगितले.
कार्यक्रमात शब्दगंध साहित्यिक परिषदेच्या उपक्रमांचे कौतुक करण्यात आले
