पहिले वर्ष असल्याने कार्यकर्त्यांमध्ये उत्साह रात्री उशिरापर्यंत केले वाटप
कामिका एकादशी निमित्त संकल्प प्रतिष्ठानम् तर्फे महाप्रसाद वाटप
नेवासा –
पावन कामिका एकादशीच्या शुभदिनानिमित्त संकल्प प्रतिष्ठानम् या नव्याने कार्यरत झालेल्या सामाजिक संस्थेच्या वतीने भाविकांसाठी महाप्रसाद वाटपाचे आयोजन करण्यात आले. हे प्रतिष्ठानाचे पहिलेच वर्ष असूनही सदस्यांनी उत्साहात सहभाग घेत आपली सामाजिक बांधिलकी जपली.
या उपक्रमात भाविकांना केळी, राजगिऱ्याचे लाडू आणि थंड पाण्याचे वाटप करण्यात आले. विशेष म्हणजे आज एकादशीच्या रात्री शेवटपर्यंत सातत्याने पाण्याची सुविधा उपलब्ध ठेवण्यात आली होती.
कार्यक्रमात पुढील सदस्यांनी सक्रिय सहभाग घेतला —
प्रतीक जाधव, राहुल कोकणे, ओमकार कोकणे, यश बोरकर, संकेत कवडे, ओम फुलकर, वैभव शेंडे, माऊली कुटे, गोविंद कदम, गौरव गडाख, रामहरी शेंडे, सिद्धार्थ सावंत — या सर्वांनी एकजुटीने सेवा बजावत भाविकांची मनपूर्वक सेवा केली.
संस्थेचे घोषवाक्य “एकता बलं, मैत्री आधारः, प्रगती लक्ष्यम्” यानुसार संकल्प प्रतिष्ठानम् भाविकांसाठी सामाजिक उपक्रमांच्या माध्यमातून सकारात्मक योगदान देण्यास कटिबद्ध आहे.
