spot_img
spot_img
HomeUncategorizedज्ञानोबा माऊलीचा गजर करत २०० विद्यार्थिनींचा दिंडीत सहभाग….

ज्ञानोबा माऊलीचा गजर करत २०० विद्यार्थिनींचा दिंडीत सहभाग….

जिल्हा परिषद प्राथमिक शाळा नेवासा मुलींच्या शाळेचा धार्मिक व सांस्कृतिक उपक्रम…


नेवासा :

संत ज्ञानेश्वर महाराज,विठ्ठल- रुख्मिणीसह विविध संतांच्या वेशभूषा साकारत कामीका एकादशी निमित्त शहरातील जिल्हा परिषद प्राथमिक शाळा नेवासा मुलींच्या शाळेतील इयत्ता पहिली ते चौथीच्या विद्यार्थिनींनी ज्ञानोबा माऊलींचा शहरातून दिंडी काढत रिंगण सादर केले.


कामिका एकादशीनिमित्त सोमवारी शहरात यात्रोत्सव होत आहे.त्या पार्श्वभूमीवर शाळेच्या मुख्याध्यापिका मालनबाई कोळपकर यांच्या मार्गदर्शनाखाली दिंडी सोहळा आयोजित केला होता.यामध्ये सुमारे दोनशे विद्यार्थिनी वेशभूषा करत सहभागी झाल्या होत्या.यामध्ये विद्यार्थिनींनी विठ्ठल- रुख्मिणी,संत ज्ञानेश्वर,निवृत्तीनाथ,सोपानदेव,मुक्ताबाई,संत तुकाराम महाराज,जनाबाई तसेच वारकरी वेशभूषा करत दिंडीत सहभाग घेतला.


शाळेपासून निघालेली ही दिंडी मोहिनिराज मंदिर, नगरपंचायत चौक येथून संत ज्ञानेश्वर मंदिरात गेली.दरम्यान नगरपंचायत चौकात या बाल वारकऱ्यांनी रिंगण सादर केले.संत ज्ञानेश्वर मंदिर येथे गेल्यानंतर संस्थानचे जनसंपर्क अधिकारी भैय्या कावरे व शिवाजी होन यांनी दिंडीचे स्वागत केले.

संत ज्ञानेश्वर मंदिर प्रांगणात विद्यार्थिनी व शिक्षकांनी फुगडी खेळत रिंगण सादर केले.


यावेळी विद्यार्थिनींना फराळ वाटप करण्यात आले.या उपक्रमाच्या यशस्वीतेसाठी मुख्याध्यापिका मालनबाई कोळपकर,वैशाली कुलट,मनीषा जवणे,ज्योती बोरूडे,वर्षा जगताप,शरद मचे,विजय साळुंके,सुधाकर झिने यांच्यासह शाळा व्यवस्थापन समिती व पालकांचे सहकार्य लाभले.

Newasa Darshan
Newasa Darshanhttps://newasadarshan.live/wp-admin/profile.php
*मी गुरुप्रसाद मधुकर देशपांडे ( डिप्लोमा इन मेकॅनिकल इंजिनिअर, बीए हिस्टरी बीए हिंदी आणि बॅचलर ऑफ जर्नालिझम)* वृत्तपत्रे विक्रेता आणि बातमीदार या क्षेत्रामध्ये गेले तीस वर्ष * दैनिक लोकसत्ता दैनिक केसरी आणि दैनिक दिव्य मराठी* या वृत्तपत्रांच्या माध्यमातून कार्यरत
RELATED ARTICLES
Jalgaon
overcast clouds
29.3 ° C
29.3 °
29.3 °
64 %
8.6kmh
100 %
Mon
29 °
Tue
26 °
Wed
31 °
Thu
30 °
Fri
32 °

Most Popular

error: Content is protected !!